Nekazaritza Ministerioak Nekazaritza Makineria Berritzeko Plan Nazionalari (RENOVE 2026 PLANA) dagozkion laguntzetarako deialdia egiten duen Agindua argitaratu du. Makina zahar bat txatar bihurtzeko makina berriak erosteko dira laguntzak, besteak beste:

• Nekazaritzako traktoreak.
• Makina automotrizeak: biltzeko makinak, produktu fitosanitarioak aplikatzekoak, produktu ongarriak aplikatzekoak, minden aplikazio lokalizaturako zisternak, manipulazio ekipoak eta karga ekipoak eta landare hondakinak birrintzeko makinak.
• Arrastatutako edo esekitako makinak: zuzenean ereiteko makinak, ongarritzeko makinak, produktu fitosanitarioak aplikatzeko ekipoak, landare hondakinak birrintzeko makinak, landare estalkiak eta minda zisternak mantentzeko ekipoak, lurzoruan produktua modu lokalizatuan aplikatzeko sistemekin  eta lurrean minda kokatzeko sistemak ere, zisterna edozein dela ere.
• Ustiategian ekipoak egokitzeko doitasunezko nekazaritzako osagaiak erosteko ere erabil daitezke laguntzak: NIR sentsorea, autogidatze-sistema, makinak lan aldakorrerako egokitzeko sistema eta ISOBUS egokitzapen-kit-a. Aurten nekazaritzako robotentzako laguntzak ere sartu dira.

Eskaera aurkezteko asmoa baduzu, dokumentazio guztia behar besteko aurrerapenarekin prestatzea eta aplikazioan erabiltzaile gisa alta ematea gomendatzen dizugu. Esteka honetan, izapideak egiteko moduari buruzko gida bat duzu. Epea uztailaren 6an irekiko da, astelehena, goizeko 9etan, eta garrantzitsua da eskaera lehenbailehen erregistratzea; izan ere, laguntza aurkezpen ordenaren arabera ematen da, eta funtsak egun berean agortzen dira. Hala ere, epea zabalik dago irailaren 15era arte.