Asteartean, EHNE eta ENBA euskal nekazarien sindikatuok manifestazioa egin genuen Gasteizen, lehen sektoreak gure gizartean merezi duen arreta eskatzeko.

Munduko Landaguneak antolatutako Familia Nekazaritzaren VIII. Konferentzia Globalaren ospakizuna aprobetxatuz, Europa Jauregiaren atarian bildu ginen ustiategi familiarren aldeko manifestu bat irakurtzeko, besteak beste, Euskadiko eta Nafarroako nekazaritza eta abeltzaintzaren sektoreko zati handienaren alde.

Agiria irakurri ondoren, oinez zein traktoreekin, Espainiako Gobernuak Euskadin duen ordezkaritzara manifestazioan joan ginen. Bertan, Marisol Garmendiari, gobernuaren ordezkari berriari, sektorearen aldarrikapenak helarazi genizkion, eskumenak Madrili dagozkionetan. Aldarrikapenak biltzen dituen dokumentua esteka honetan ikus dezakezu.

Gainera, gaur, Konferentziaren amaieran, dokumentu bera eman ahal izan diogu Luis Planas Nekazaritza ministroari. Topaketaren argazkia hemen ikus dezakezu. Konferentziaren bitartean Europa Jauregiaren atarian egindako kontzentrazioan ere parte hartu dugu.