Unión Agroganadera de Álava/Arabako Nekazarien Elkarteak (UAGA) 45. Batzar Orokorra egin du gaur Guardian. “Porque somos necesarias – Beharrezkoak garelako” lelopean, Batzorde Exekutibo berriaren lehen urteari errepasoa egin da eta datorren ikasturterako ildo sindikalak zehaztu dira.

Protesta historikoak egin diren bi hilabete hauetan, sektoreak indarra erakutsi du kalean, eta UAGAk negoziazio mahaietan lanean jarraitu du guztiontzako etorkizun duina bermatuko duten konponbideak proposatuz. Sindikatuak lanean jarraituko du, bai bulegoetan eta baita kaleetan ere, dagoeneko badakiguna lortzeko, Arabako ustiategiak beharrezkoak garela: gizartearen elikadura gure biziraupenaren menpe dago, gure herriak -beren ondarearekin, kulturarekin eta giza eta ekonomiarekin- ez desagertzea, eta gure natura-inguruneko biodibertsitatea zaintzea.

Helburu hauek lortzeko, UAGAk uste du sektorearen batasuna funtsezkoa dela, eta, beraz, azken urtean egin den bezala, oinarrien parte-hartzea bultzatzen jarraituko duela, informazioa eta proposamenak trukatzeko eta guztien onerako elkarrekin lan egiteko. Alde horretatik, funtsezkoa da gure gazteen indarra berreskuratzea, eta, berriz ere, harremanak izateko eta antolatzeko espazioak sortzea, sektorearen alde borrokatzeko.

Era berean, UAGAk gure ustiategien lehiakortasuna hobetzen dituzten proiektu kolektiboak lantzen jarraituko du, hala nola erremolatxaren kolektiboa, nekazarien eta abeltzainen arteko sinergiak edo gure lurraldea eraso industrialetatik babesteko aliantzak, enpresa handien onura ekonomikoa lehenesten baitute lehen sektorearen izaera estrategikoaren aurretik.

Erakundeekiko elkarrizketaren aldeko apustua egiten jarraituko dugu, arazoen aurrean alternatibak, proiektuak eta konponbideak aurkeztuz eta sektoreari merezi duen garrantzia ematea exijituz. Lehen sektoreko solaskide gisa, deitzen diren lan-mahai guztietan parte hartuko dugu, eta sektorearen etorkizuna bermatuko duten neurri zehatzak eskatuko ditugu. Gaur inoiz baino gehiago, BEHARREZKOAK GARA.