Joan den apirilaren 15ean, Arabako Batzar Nagusietako, Mugikortasun Iraunkorraren eta Bide Azpiegituren Batzordean, mozio bat onartu zuten, Erribeituan abiadura handiko trenaren (AHT) trazadurarekin bat ez datozela adierazteko . Bertan, ordezko konponbideak bilatzeko eskatzen zaie Eusko Jaurlaritzari eta Espainiako Gobernuari.

Mozioaren testuaren arabera, proposatutako trazadurak ingurumenean, ikusmenean eta akustikan eragin handia eta neurrigabea izango du udalerriarentzat zein kontzejuentzat. UAGAtik espero dugu Batzarren adierazpen honek udalerri honi eta bere nekazaritza-jarduerari larriki eragiten dion proiektu bat birplanteatzeko balio izatea. Esteka honetan ikus dezakezu Erriberabeitia zer egoeratan geratzen den, bai AHTren eraginagatik, bai inguru horretan planteatutako energia-proiektuengatik, bertako bizilagunek aste honetako prentsaurrekoan salatu zuten bezala.