Aste honetan, EAJren Senatuko prentsa-kabineteak prentsa-ohar bat bidali du Luis Planas ministroari abeltzaintza-sektorearen eta abeltzaintza estentsiboaren defentsan “argitasuna, irmotasuna eta sendotasuna” eskatu dizkiola jakinarazteko.

Prentsa-ohar berean esaten denez, “Euskadik bere lana egin du prebentzio plan espezifikoei, baliabide gehiagori, neurri gehiagori eta kalte-ordainen igoerak eginez”. Baieztapen hori, UAGArentzat, sektorearekiko errespetu falta nabarmena da, ia hiru urte baitaramatza fauna basatiaren erasoen kalte-ordainei buruzko dekretua eguneratzeko zain, besteak beste.

Otso eta putreen etengabeko erasoen aurrean erantzunen zain egoteaz nekatuta, UAGA laster mobilizatuko da bere gogaitasuna erakusteko eta abeltzaintza estentsiboaren etorkizuna bermatuko duten neurri eraginkorrak eskatzeko.