Zuzeneko laguntzen artean, abeltzaintzara bideratutakoak nabarmentzen dira, ekoizpen-kostuen igoera konpentsatzeko. Ezarritako laguntzat hauek dira: 100 € haragitarako behi bakoitzeko, 15 € haragitarako ardi eta ahuntz bakoitzeko, 40 € esnetarako behi bakoitzeko eta 10 € esnetarako ardi eta ahuntz bakoitzeko. Dirulaguntzak zuzenean ordainduko zaizkie Nekazaritza Politika Bateratuaren (NPB) laguntzen onuradun diren ustiategien titularrei.

Gainera, dekretuak hainbat zerga-neurri jasotzen ditu, handitu egiten da kredituen hobarirako zenbatekoa, SAECAren abalak finantzatzeko lerroa finkatzen da eta kontratatuta dauden aseguru-polizen kostuaren % 70era arteko dirulaguntza sortzen da.

Dekretuak, halaber, autonomia-erkidegoek NPBren zuzeneko laguntzen baldintzak malgutu ahal izateko irizpideak ezartzen ditu eta eskaerak egiteko epea ekainaren 30era arte luzatuko da. Zehazki, baldintzapekotasun indartuaren kasuan, eko-erregimenen kasuan eta lotutako laguntzen inguruan lehortearen ondorioz ofiziozko indar-kausa izan daitezkeen baldintzak zehazten dira.

COAGek, abeltzaintza-sektorearentzako zuzeneko laguntzak positibotzat jo ditu, izan ere, larre-faltaren aurrean ganaduaren elikadura osagarriari aurre egiteko oxigeno-baloi txikia da. Hala ere, dekretua ez dela nahikoa uste du. Erakundeak adierazi duenez, lehorteak landa-eremuan eragindako ondorioei aurre egiteko laguntza handiagoa izan behar da, eta zerealen sektorearentzat ere, aparteko neurri zuzenak eskainiz.

Ondorengo esteka hauetan Ministerioaren prentsa-oharra eta COAGen prentsa-oharra ikus ditzakezu.