UAGAko sasoikako langileen taldea ACCEMeko koordinatzailearekin eta bere gizarte langileekin bildu da aste honetan, migratzaile talde bat integratzeko proiektu bateratu bat planteatzeko.

Horretarako, migratzaileak formatu eta burokrazia kudeatuko dituzte, UAGAk koordinatzen dituen nekazaritza kanpainetan lanpostu bat lortu ahal izateko.

Bilera hori UAGAk egindako lanaren esparruan egin da, azken urteotan gizarteratze erakundeekin hainbat harreman izan eta UAGAren sasoikako lanaren programa aurkeztu ostean. Programa hori ACCEMek Gasteizen dituen instalazioetan egin zen otsailean.

Azken helburua migratzaile horientzako lan ibilbide bat sortzea izango da, honako hauek barne hartuko dituena: hizkuntzetan, oinarrizko gaitasunetan, lan orientazioan, garraioan eta lan arriskuen prebentzioan formakuntza, azkenik nekazaritza lanetan sartu ahal izateko.

Nekazaritza-kanpainetan sasoiko lanak egiteko langileen eskaria handia dago eta gaur egungo errealitatea da zailtasun handiak daudela landan lan egin nahi duten pertsonak aurkitzeko; hori dela eta UAGA hainbat lankidetza bide berri aztertzen ari ditu.