Aste honetan Eusko Jaurlaritzako Nekazaritza eta Klima Aldaketaren Mahaia berriro bildu da. Bertan, lehorte egoera eta joan den asteko ekaitzaren ondorioak aztertu dira. Agroseguroren arabera, kazkabarrak 7.000 hektarea baino gehiago kaltetu izan ditu.

UAGAk hondamendi eremua izendatzeko eta hondamendien funtsa aktibatzeko eskatu zuen. Funts hori legez araututa dago eta ez da inoiz martxan jarri. Azpiegituretan izandako kalteak eta uralita-hondakinen kudeaketaren ondorioak kontuan hartu eta konpentsatzeko beharra ere aipatu zen.

Lehortearen ondorioz abeltzaintza-sektoreak bizi duen egoerari dagokionez, UAGAk euriteek ez dutela egoera arindu gogorarazi zuen, berandu iritsi direlako. Hori dela eta, zuzeneko laguntzak eskatu dira eremu kaltetuenentzat (Añana), egoera jasanezina baita beste arazo batzuekin sinergian, otsoarekin esaterako, eta Estatuko neurriak ez dira nahikoak kasu hauetan.

Bazkaren eskasia eta prezio altua ikusita, mila tona lastoren erosketa aktibatu da. Eskaera gehiago egonez gero, etorkizunean beste eskaera batzuk egin ahal izango dira. Lursail arduratuko da sektoreak egindako erosketa-eskaerak kudeatzeaz. Eskaerak iristen diren ordenaren arabera izapidetuko dira, eta eskaera bakoitzeko gutxienez kamioi bat erosiko da (15 tona inguru).

Lursailekin harremanetan jartzeko: 945 003 240 telefonoan edo lursail@lursail.net

+INFO SUGOI: 675 707 696