UAGAko Batzorde Exekutiboak Eusko Jaurlaritzako eta Aldundiko Nekazaritza arduradunekin bildu zen joan den astelehenean, azken hilabeteko aldarrikapenak ardatz izan dituzten hainbat gaietan aurrera egiteko.

Laguntzen ordainketei dagokionez, UAGAk NPBaren % 90a urte bakoitzaren abenduaren 31 baino lehenago kobratzea eskatu zen, jende askok ez baitu oraindik 2023 urteko ezer kobratu. Administrazioak adierazi zuen hala izatea nahi duela, baina aurten atzeratu egin da, NPB berritik eratorritako programa informatikoak eguneratu direlako. Ziurtatu zutenez, datorren astearen amaieran, ABRSren eta Ordainketa Banatzailearen % 90 ordainduko dute, eta, beraz, dirua martxoaren 10etik 15era bitartean iritsiko da eskatzaileen kontuetara. Eko-erregimenei dagokionez, hilero ordainduko dira, ixten doazen heinean.

NPBari dagokionez, jarraian zehazten ditugun BCAMetan hainbat aldaketa eskatu ziren:

• BCAM 4. Ibaiertzak berrikustea: Lugorri biluzia kentzeko eta ibaien katalogazioa berrikusteko eskatzen dugu.
• BCAM 5. Malda eremuetan lantzeko aukera ematea: aldez aurretiko eskaera egin gabe baimentzea eskatzen da. Izan ere, lursail batzuk oso estuak dira eta ezinezkoa da arauaren arabera lantzea.
• BCAM 6. Ministeriotik aldatu egin da, baina ez lan guztietarako. Ereinketa aurreko lanak baimentzea eskatzen da (abuztutik); lekaleen ondorengo bazka laboreetan lan bertikala baimentzea; euri-jasen ondoren landare-estalkia baimentzea.
• BCAM 7. Laboreen txandakatzea, lehenestea eta ez debekatzea: Ministeriotik urte baterako aldatu da eta aldi osorako luzatzea eskatu da.
• BCAM8. Lugorriak: Ministerioak indargabetu egin du baina urtebeterako bakarrik. Borondatezkoa da.

Aldundiak eskatutako aldaketa guztiak jasoko dituen txosten bat egiteko konpromisoa hartu du, eta Eusko Jaurlaritzari helaraziko dio, Ministerioari aurkezteko.

Nekazaritzako arduradunek adierazi zuten sindikatuak egindako hainbat proposamenetan lanean ari zirela, hala nola ingurumen eta klima laguntzen muga kentzea, langile fisikoei edo juridikoei zuzenduta dauden kontuan hartuta; ICMrako eremuak berrikustea eta laguntza hori hektareaka hainbanatzea; edo NPBren 2015eko erreformara itzultzea ibaien ertzei, laborantzako lur motei eta lugorrien kudeaketari dagokionean.

Abeltzaintzari dagokionez, GHE gaixotasunaren inguruan, ofizioz emango dira laguntzak 23/12/28a baino lehen jakinarazi duten ustiategi guztiei. Zezenak testatzea aztertzen ari dira, antzutasuna egiaztatzeko. Bestalde, otsoa LESPRE zerrendatik ateratzeko eskatuko zaio Trantsizio Ekologikoko Ministerioari.

Zerga gaietan, UAGAk berretsi du BEZaren itzulketa data aurreratu behar dela eta PFEZan justifikatzen zailak diren gastuen % 70ari eutsi behar zaiola.

Mahastizaintzaren eta ardogintzaren sektoreari dagokionez, uzta berdearen eta destilazioaren laguntzen inguruan, Eusko Jaurlaritzak Ministerioaren laguntzan azaleren arteko aldeagatik kasu batzuetan eman den murrizketa osatzeko laguntza bat emateko konpromisoa hartu zuen.

2024rako destilaziorako, mahats-bilketa berderako eta ekoizpen-galeretarako laguntzak berriro argitaratuko direla aurreikusten da. UAGAk Arabako Errioxako eskualderako proiektu estrategiko bat eskatu zuen bileran, administrazio guztiak bide berean inplikatuta. Ardoaren etxea indartzea eskatzen dugu, zerbitzu eta aholkularitza hobea emanez, teknika, azterketa eta proiektu berriak ezarriz, administrazioaren baliabideak eskualdeko nekazariengana modu publikoan irits daitezen.

Azkenik, aztertzen ari diren hainbat proiekturen berri eman zuten; horien artean, konpostaje-planta bat egitea nabarmendu zuten. Planta horrek 12.000 tona jarriko ditu sektorearen esku.

Administrazioek 10 eguneko epean beste bilera batera deitu ziguten, proposamen guztietan aurrera egiteko.