ALHAOk aste honetan «Solaria Zierbena Solar 2», «Solaria Zierbena Solar 3» eta «Solaria Zierbena Solar 4» eguzki-planta fotovoltaikoen eta hauei lotutako ebakuazio-azpiegituren aurretiazko administrazio-baimenaren eta ingurumen-inpaktuaren adierazpenaren eskaerak jendaurrean jartzeko prozesua argitaratu du.

Solariak abian jarri nahi dituen hiru azpiegitura hauek Erriberabeitian, Zigoitian, Zuian, Gasteizen eta Iruña Okan kokatzen dira. Guztira, 374,2 hektarea okupatuko lirateke, eta 150 milioi euroko inbertsioa egingo litzateke.

UAGAk proiektu hauen aurrean alegazioak aurkeztuko ditu, nekazaritzako lur eta balio agrologiko handiko azalera handi bat berriro okupatu nahi dutelako. Baina plan berri honen gauzarik sumingarriena da aurkeztutako planoetan lursailak saltzeko edo alokatzeko adostasunik eman ez dioten nekazarien jabetzako lursailak agertzen direla proiektuaren zati gisa. Hau larria da, proiektuaren parte ez diren lursailak inskribatzearen legezkotasun zalantzagarriagatik ez ezik, pertsona hauek jasaten duten babesgabetasunagatik ere; izan ere, nekazaritza-lurra erabilera horietarako erabiltzearen aurka daudenez, zalantzan jartzen dira beste pertsonen aurrean. UAGA kaltetuekin elkarlanean arituko da gertaera hauek salatzeko.