Aste honetan EHNEk haragi behien sektorearen bilera bat egin du UAGAren parte hartzearekin. Bileran, Euskal Okela AGBrekin ia erabat lotuta dagoen Euskadiko txahalak gizentzeko sektoreak bizi duen egoera larriaz hitz egin da.

Behatokiak argitaratutako datuen arabera, ekoizleek jasotako prezioaren eta haragitarako txahalen ekoizpen kostuaren arteko aldea handitzen ari da, 2,8 €/ kg kanalean kokatuz. Bestalde, Estatuko eta nazioarteko merkatua inoiz ez bezalako goranzko presioa egiten ari da pasteroen prezioan eta estatuko gainerako lurraldeetako gizendegietara bideratzen ari da, ondoren esportatzeko. Beste behin ere gizendutako animalien kasuan, Euskadiko haragi ekoizleek ez dute jasotzen ekoizpen kostuen errealitatearekin bat datorren preziorik, ezta ere merkatuak orokorrean markatzen ari duten preziorik ere.

Honezkero gizentzearen etetea eragiten du, abeltzainek pasteroak ekoizteko eta saltzeko dinamika handitu da, zikloa ustiategian bertan ixteari uzten dio, gure lurraldeko gizendegi txiki guztiak galeretara eramaten ditu. Guzti honek gure txahalak beste erkidego batzuetara bideratzen ditu edo zuzenean esportatzeko bidea hartzera laguntzen du.

Horregatik, bileran erabaki zen produktua merkaturatzen duten operadoreei eta bitartekari nagusiei premiazko neurriak eta jarduerak eskatzeko dei egitea. Ez da ulertzen txahal haragiaren salmenta prezioa nabarmen igo izana, baina ekoizleari ordaindu ez izana. Era berean, ez da ulertzen kalitate ziurtatuko produktu bat (kontsumitzailearentzat % 70 garestiagoa dena) Estatuko ekoizpen generikoak baino gutxiago ordaintzea ekoizleei.