Eusko Jaurlaritzak aste honetan iragarri duenez, ardoaren sektorerako ezohiko laguntza bat onartu du, Errioxa Jatorri Deitura Kalifikatuaren (Errioxa JDK) babespean dauden Arabako Errioxako mahastizainei laguntzeko.

Errioxa Jatorri Deitura Kalifikatuan onartutako errendimendu-muga konpentsatu nahi du laguntzak eta 2024an mahats tinta bildu duten mahastizain guztiei irekita dago, baina ustiategi txikienei emango zaie lehentasuna. 50 ha-tik beherakoek 487,5 €/ ha jasoko dituzte; 50-100 Ha-tik beherakoek 325 €/ Ha izango dute, eta 100 Ha-tik gorakoek 130 €/ Ha.

Xehetasunak Agindua Euskal Herriko Agintaritzaren Aldizkarian argitaratzen den unean ezagutu ahal izango dira. Hala ere, iragarritakoaren arabera, laguntza hori kobratzeko mahats-bilketa berdea ebatzi arte itxaron beharko da, hektarea horiek zenbaketa globaletik kendu behar baitira. Beraz, denboran atzeratuko da.