Errioxa Jatorri Deitura Kalifikatuak 2025. urterako aurrekontuak onartu berri ditu, bere mendeurrena ospatzen duen urtea hain zuzen. Kontseiluak aurreko kanpainako inbertsio bera izango du: 15.721.698 eurokoa.

Azkenean onartutako gastuen banaketa honela ordainduko da: % 60,4 upategiek eta % 39,6 mahastizainek. Horrek esan nahi du, termino absolutuetan, sektore ekoizlearen ekarpena iazkoa baino txikiagoa izango dela, baina atzean dagoen errealitatea zeharo ezberdina da, 2024ko aurreko mahats bilketaren uzta txikiagoa delako.

Horrela, bada, Deitura osoaren salmentak gutxi gora behera egonkorrak izan diren bitartean, uztaren murrizketa handia egon da (mahats kilotan). Beraz botila bakoitzeko upeltegien ekarpena % 6,7 handituko litzateke eta mahastizainena, berriz, % 17 eta % 24 artean handituko dela uste da, bildutako mahats kiloengatik kartilaren kostua ezartzen badugu. Autonomia erkidegoen finantzaketa ekarpenak ematen badira eta horiek ekoizpen sektoreari zuzentzen bazaizkio, bildutako kiloko batez besteko hazkundea % 16,4koa izango litzatekeela kalkulatzen da.

Halaber, aurrekontu horien onarpenean eskaintza eta eskaria berrorekatzeko lanbide artekoak aldez aurretik onartutako neurri batzuk sartu dira. “Errioxa 2025 JDKren oreka berreskuratzeko” planak barne hartzen du borondatezko mahastiak erauzteko proposamena beste neurrien artean. Hasieran izendapenaren egungo azaleraren % 5ean finkatua dago, baina handitu daiteke mahastizainen benetako eskaria handiagoa balitz. 30 urte baino gutxiagoko ureztatutako lur emankorretan dauden tempranillo mahastiei ematen zaie lehentasuna.

Horretaz gain adostutako neurrien artean egungo kanpaina arauak, uzta berdea eta destilazioa lortzeko laguntza berriak eskatzea, ontzi eta produktu berriak aztertzea edota barietate zuriak eta tinta barietate bereziak berriz txertatzeko laguntzak sartzen dira.