Nekazaritza eta abeltzaintza diputatuak, Noemí Aguirrek, bilera bat deitu zuen aste honetan abeltzaintza sektoreko ordezkariekin Dermatosi Nodular Kutsakorraren (DNC) egungo egoera azaltzeko. Bilera horretan agerian geratu zen kezka zegoela gaixotasuna gure lurraldetik gertu zegoelako eta erabakiak hartzeko gaitasun gutxi zegoelako.

Katalunian fokuak ia kontrolpean badaude ere, Frantziako egoera larriagotu egin da, antza denez, ganaduaren mugimendu irregularren ondorioz eta gaixotasuna Gipuzkoarekiko mugatik gertu kokatu da. Ministerioak, horri buruzko erabakien arduradunak, txertaketa eremu bat ezarri du Pirinioetan, Kataluniatik Euskal Herrira. Euskadin Gipuzkoa bakarrik txertatuko da; Araban peribakunazio eremu bat ezarri da (oraingoz ez dakar ezer) Gipuzkoaren mugakide diren udalerri guztientzat.

Arabak bere kezka helarazi dio Ministerioari, txertoa jartzen hasiz gero, asko zailduko liratekeelako ganaduaren mugimenduak lurraldean, gune batzuk txertatuta daudelako eta beste batzuk ez. Gainera komunalak partekatzen udalerri asko ere daudelako tartean. Aldundiak azpimarratu zuen txertaketaren arazo nagusia abereen mugimendua dela, eta beraz, ardura eta sentzu ona eskatu dio sektore osoari. Gainera, adierazi zuen Espainiak DNCa izateari uzten badio, haragiaren esportazioa asko murriztuko zela eta horrek ondorio zuzenak izango dituela prezioetan.

UAGAk eta abeltzaintzako elkarteek hustuketa sanitarioak saihesteko ahalik eta neurri gehien hartzeko eskatu zioten Aldundiari. Sektoreak ulertezintzat jotzen du txertatutako eta osasuntsu dauden animaliak hil behar izatea kasu bakar bat agertu delako, erabat txertatuta dagoen ustiategi batean. Gainera, kalte ordainen prezioak eguneratzeko ere eskatu zitzaion administrazioari; izan ere, 2024an argitaratutako taulak, gaur egungo prezioetatik oso urrun daude, eta beraz, ezinezkoa da prezio horiekin hildako animaliak ordezkatzea.

Azkenik, Frantziako animalien sarrera mugatzeko mekanismo posible guztiak artikulatzeko beharra mahai gainean jarri zen: gaur egun fokua bertan badago, ahalik eta gehien babestu behar dugu.