Aste honetan, Dermatosi Nodular Kutsakorraren (DNC) aurkako txertaketa eremua zabaltzeko eta bertan Arabako Lurralde Historikoa sartzeko proposamena helarazi dio Ministerioak Europako Batzordeari.  Neurri positiboa da eta aspalditik eskatzen ari gara UAGAn, sektorea babesteko eta bestelako egoeretaz babesteko.

Aldundiak bilera informatiboa deitu du aste honetan sektorearekin, Bruselaren baimena iritsitakoan jarduteko moduaren berri emateko, astebete inguruko epean espero baita. EBren berrespenaren ondoren, profilaxia hasiko da Gipuzkoarekin eta Nafarroarekin muga egiten duten eremuetatik, txertoa jarri baitute dagoeneko, probintzia osoa estali arte, ekialdetik mendebaldera.

Sei aste inguruko txertaketa kanpaina aurreikusten da. Aldundiak eskatu dio sektoreari ahalegina egin dezala animalia guztiak eskuragarri izateko txertaketak aurrera egin ahala, lana arindu ahal izateko eta animalia guztiak immunizatu ezin badira neurri zorrotzagoak hartu behar ez izateko.