Abenduaren 1ean argitaratu zen Euskal Herriko Agintaritzaren Aldizkarian Dermatosi Nodular Kutsakorraren aurkako neurriak ezartzen zituen agindua eta urriaren amaieran argitaratutakoa indarrik gabe uzten du.

Azken asteetan ez da gaixotasunaren foku berririk jakinarazi Katalunian, eta Frantzian agertutakoek ere, ez dute aldaketarik eragin murrizketa eremuan. Gainera, hotzaren etorrerarekin batera ezarritako eremuetan prebentziozko txertaketan nabarmen aurreratu denez, badirudi bektoreen jarduera murriztu egin dela eta horregatik neurriak eguneratu behar izan dira.

Azokak eta merkatuak berrartu daitezke, baina abeltzaintza-garraioko ibilgailu guztiak garbitu, desinfektatu eta desintsektatzeko betebeharrak indarrean jarraitzen du. Halaber, nahitaezkoa da animali mugimenduetan desintsektazioa egitea, helburua hiltegia denean izan ezik.

Dermatosi nodular kutsakorraren aurrean mugatutzat jotako eremuetan dauden ustiategietako animaliak Euskadira ekartzea debekatuta dago.

Hemen kontsulta dezakezu agindu osoa.