Trumpen gobernuak aste honetan iragarri duenez, Europako produktuei % 20ko muga zerga berriak ezarriko dizkie. Horiek zuzenean edo zeharkako eragina izango dute Estatuko nekazaritza sektoreari, batez ere ardoaren eta oliba-olioaren ekoizleei. Produktu hauen esportazioak Estatu Batuetara 1.000 milioi euro ingurukoak dira urtero.

COAGek adierazi duenez, Trumpek hasitako gerra komertziala “zentzugabeko zentzugabekeria da eta ez dio inori mesede egingo, AEBko kontsumitzaileengandik hasita. Benetako iraultza da Munduko Merkataritza Erakundearentzat”. Miguel Padilla COAGeko idazkari nagusiak ohartarazi duenez, nekazarien elkarteak “irmotasuna” eskatuko die EBri eta Espainiako gobernuari “eskura dituen tresna diplomatiko guztiak zabaltzeko eta Europaren eta AEBen arteko merkataritza harremanak lehenbailehen normalizatzeko”. Bestalde, gaineratu duenez, “ez dugu onartuko nekazaritzako elikagaien kateko katebegi batek ere egoera horrekin espekulatzea eta muga zergak justifikaziorik gabe erabiltzea zelaian ordaindutako prezioak beherantz presionatzeko”.