Urtea amaitu baino lehen argitaratzea eskatzen zuen Legebiltzarreko mozioaren ondoren, azkenik, abenduaren 20an argitaratu zen Energia Berriztagarrien LAParen behin behineko bertsioa.

Zirriborro horrek aldaketa gutxi izan ditu hasierako testuarekin alderatuta. Balio estrategiko handiko lurrak eta mendi larreak babestu nahi dituela dirudien arren, egia da horiek ez direla guztiz babesten eta plan honek eragina izaten jarraitzen duela (Araban bakarrik, mendi larreen 346 ha eta balio estrategiko handiko lurren 6,53 ha).

Planteamendu honen aurrean, beharrezkoa da Nekazaritza eta Basogintzaren Lurraldeko Arlo Plana eguneratzea, tresna erabilgarria izan dadin laborantzako lurrak eta gure paisaiak babesteko, eta gure nekazarien eta abeltzainen lana benetan defenda dezan.