Datozen egunetan zereal-uzta orokortuko da eta beharrezkoa da zereal-uztak irauten duen bitartean gorabeherarik ez izateko oinarrizko alderdiak gogoraraztea.
Arabako Suhiltzaileak UAGArekin harremanetan jarri dira eta gomendio batzuk eman dituzte esteka honetan kontsulta ditzakezunak.

Bestalde, Arabako Foru Aldundiak gogorarazi du indarrean dagoela sutea gertatzeko arriskua saihesteko Lurraldean sua erabiltzea debekatzen duen foru-agindua.

Nekazaritza eta basogintzako lanak egiteari dagokionez, foru erakundeak jarraibide hauek ditu:

• Debekatuta dago edozein motatako suak piztea, landare-hondarrak kentzea barne.
• Txinpartak sor ditzaketen nekazaritzako eta basogintzako lanak egitean kontu handiz ibiltzea.
• Baso-sutearen arriskua oso handia edo muturrekoa denean, bertan behera utzi beharko dira, gutxienez egunaren erdiko orduetan, biltzeko makinak, fardo-makinak, bulldozerrak, sasi-garbitzeko makinak, lasto-xehagailuak eta su-foku bat has dezakeen edozein makina.
• Aurretik deskribatutako lanak egiten diren bitartean makina berean su-itzalgailuak eduki behar dira, baita inguruan beste ekipo batzuk ere, hala nola isurbideak eta zisternak dituzten traktoreak, sute-guneak eten ditzaketenak.
• Landa-ingurunean bero-fokuak dituen edozein lan, hala nola soldadura-ekipoak, ebaketa edo txinpartak askatzeko arriskuan duten makinetan kontuz ibili beharko da. Txinpartak ez jaurtitzeko eta agente itzaltzaileak edukitzeko neurriak zorroztuz.