Aste honetan izan da UAGAk antolatutako txandakako artzaintzari buruzko jardunaldia, eta hogeita hamar bat lagunek parte hartu zuten. Pablo Etcheberry izan zen hizlaria; abeltzain argentinarrak azaldu zuen nola lortu duen kostu minimoko teknologietan oinarritutako abeltzaintza praktikan jartzea, ekoizpena maximizatuz eta hektareako abere-zama handituz produkzio handiagoak lortu daitezkeen. Larreen erabilera sustatu eta belar ondua, pentsua eta kanpoko sargaiak minimizatzen dituen sistema ekonomiko bat proposatzen du, hektarea bakoitzean ekoiztutako haragi kiloak handituz. Ideia azpimarragarrienak dira sistema aplikatzeko aukera, ustiategiaren tamaina edozein dela ere, arraza egokienak hautatzea edo kanpoko inputak murriztea.

Jardunaldian zehar esperientzia trukaketa interesgarria egin zen parte-hartzaileen artean, hainbat jatorri eta errealitatetako abeltzainen elkartu zirelarik. Bazkariaren ondoren, Kintanako abeltzaintza-ustiategi bat bisitatu zen, eta bertan, txandakako artzaintza-teknikak aplikatzearen emaitzak erakutsi ziren, bai lursailean, bai basoan. Sistema aplikatzeko zailtasunak ere egiaztatu ziren, baita hobetzeko abantailak eta aukerak ere.