Nekazaritza Ministerioak ekainean argitaratu zuen 2023ko landa-izaerako Ondasun Higiezinen gaineko Zergaren (OHZ) kuotak salbuesteko ebazpena. Aurreko albiste batean argitaratu genuen bezala, salbuespena lehorteak eta Ukrainako gerra-gatazkak eragindako baldintzen larriagotzeak eragindako nekazaritza- edo abeltzaintza-ustiategiei zuzenduta dago.

Salbuespen hori lortzeko, honako hau egiaztatu behar da:

1. OHZren kuotetatik salbuestea eskatzen duten landa-izaerako higiezinek nekazaritza- edo abeltzaintza-ustiategietakoak izan behar dute.
2. Higiezinen katastroko titularrek (jabeek) nekazaritza- edo abeltzaintza-ustiategien titular ere izan behar dute.
3. Ustiategi horien titularrek 2023an etekin garbian % 20ko gutxieneko murrizketa izan dutela justifikatu behar dute, 2020., 2021. eta 2022. urteetako batez bestekoarekin alderatuta. Beharrezkoa da zure udalarekin harremanetan jartzea baldintza hau egiaztatzeko modua ezagutzeko.

Eskaera udal bakoitzean egin behar da zuzenean, eta epea 2023ko abenduaren 31ra arte dago zabalik.

UAGAko afiliatua bazara, jarri harremanetan bulegoarekin eta eskabidea egiteko ereduarekin lagunduko dizugu.