COAGek A kategoriako DNCa baztertzeko eskatu du, animalia gaixoei neurri esklusiboak hartu ahal izateko eta ustiategi osoa sakrifikatu behar ez izateko. A kategoriako gaixotasunak EBn normalean ez daudenak dira eta gaixotasun horiei dagokienez, berehala desagerrarazteko neurriak hartu behar dira gaixotasun horiek daudela detektatu bezain laster.

Nekazaritza, Arrantza eta Elikadura Ministerioak, bestalde, dermatosi nodular kutsakorraren (DNC) birusaren aurkako txertaketa plan bat igorri dio Europako Batzordeari, Katalunia eta Aragoiko eskualde berrietara zabaldutzen dena. EKren baimena ezinbesteko baldintza da txertoa aplikatzeko. Aste honetan ez da Estatuko foku berririk ezagutzera eman. Baina gogoan izan gaixotasuna Frantzian eta Italian ere badagoela.

Espainiako Albaitaritza Alerta Sanitarioko Sarearen Batzordea aste honetan bildu da eta zenbait autonomía erkidegok animalien mugimenduen eta kontzentrazioen mugei buruz argitaratutako araudien berri eman du. Batzordeak gogorarazi du biosegurtasun neurriak zorroztu behar direla behi ustiategi guztietan eta animalien garraioan, intsektuak hiltzearekin lotutakoak batez ere.

Era berean, abeltzainek eta albaitariek albaitaritza zerbitzu ofizialei gaixotasunaren edozein susmo jakinarazteko betebeharra dutela gogorarazi du. Garaiz detektatzea oso garrantzitsua da, inpaktua eta hedapena murrizteko.