Joan den astean amaitu zen Solariaren Zierbena Solar 2, 3,4 eguzki instalazio fotovoltaikoen eta horiek husteko azpiegituraren baimen administratiboa eta ingurumen ebaluazioa jendaurrean jartzeko izapidea.

UAGAk alegazio teknikoak aurkeztu dizkio proiektuari, baita kaltetutako 9 nekazaritza eta abeltzaintzako ustiategiri ere.

Alegazioen edukiari dagokionez, UAGAak aurretiazko baimena ukatzeko eta ingurumen-adierazpen bat egiteko eskatu du. Argudioak ugariak dira, baina Solariak lege iruzurra egin duela nabarmendu du, proiektu bateratu bat txikiagoetan zatitu dutelako, MITECOren tramitazioa saihesteko edo guztien arteko ondorio metagarriak kontuan hartu behar ez izateko.

Ebakuazio azpiegitura bat bezala planteatzen badute ere, garraio sare bat dela argi geratu da eta beraz, ez litzateke Solariaren eskumenekoa izango.

Nekazaritza eta abeltzaintzako sektoreari zuzenean eragiteari dagokionez, proiektua bateraezina da Nekazaritza eta Elikagaigintza Politikako Legearekin eta Nekazaritza eta Basogintzaren LAParekin. Okupatutako lur guztiak balio estrategiko handikoak edo trantsizioko landa-paisaiakoak baitira. Gainera, ez da aztertu jardueran izandako eragina eta ez da neurri zuzentzailerik ezarri.

Hemen kontsulta dezakezu gehien azaltzen diren alegazioak biltzen dituen dokumentua.