UAGA Kaiku S. Coop-eko eta Iparlat-eko ordezkariekin bildu da, sindikatuak Kaikuko ustiategi ekarleei eskaintzen zaizkien baldintzen eta elikadura katearen legearen inguruan eskaera bat egin ondoren. Esne-enpresak merkatuaren egoera azaldu zuen, non distribuzioaren menpekotasuna handia den eta industriarako maniobra-tarte txikia. Kontsumo-joerak ere zehaztu zituzten, eraldatutako produktuari eta esne osoari zuzenduak.

UAGAk abeltzaintza-ustiategien epe ertain eta luzerako jasangarritasunari buruzko kezka adierazi du; izan ere, ohi baino baserri-itxituren kasu gehiago izaten ari dira, eta hori atsekabe orokorraren isla da. Puntu horretan, kooperatibaren ustez, errentagarritasun ekonomikoaz gain, inbertsioekin, bizi-kalitatearekin eta kooperatiba-proiektuekin lotutako beste alderdi batzuk ere landu behar dira, betiere erakundeen laguntzarekin eta inplikatutako eragile guztiek sustatutako ekimenak abian jartzea bilatuz.